Que é a Vía Mariana?

Un camiño entre Portugal e Galicia para
sentir, descubrir e conectar

Un camiño entre Portugal e Galicia para sentir, descubrir e conectar

A Vía Mariana Luso-Galaica é un itinerario cultural e espiritual que une o norte de Portugal e Galicia a través dun percorrido cheo de paisaxe, patrimonio e tradición.

Preto de 400 quilómetros que conectan Braga con Muxía, seguindo antigos caminos históricos que durante séculos uniron comunidades, lugares de devoción e espazos naturais únicos.

Un percorrido que vai máis alá de camiñar

Ao longo da ruta, a Vía Mariana enlaza algúns dos principais santuarios marianos do noroeste peninsular, tanto en Portugal como en Galicia.

Estes lugares, profundamente vencellados á cultura popular e ás romarías, dan sentido a unha experiencia que invita a:

Deter o paso
Coñecer o territorio
Falar coa xente do lugar
Descubrir un rural auténtico
Gozar da natureza, o patrimonio e a espiritualidade

Un camiño aberto e flexible

A ruta pode realizarse de maneira bidireccional:

Dende Nosa Senhora do Sameiro (Braga) ata Nosa Señora da Barca (Muxía), ou ao revés

Un percorrido que atravesa aldeas, vales, ríos e serras, ofrecendo:

Servizos de proximidade
Aloxamentos rurais
Produtos locais

Todo pensado para enriquecer cada etapa da viaxe

Para quen é a Vía Mariana?

Un Camiño para todos e todas:

Peregrinos e peregrinas
Viaxeiros e viaxeiras culturais
Familias afeccionadas ao sendeirismo
Persoas que buscan descubrir o territorio con calma

Unha invitación a camiñar sen présa

A Vía Mariana é moito máis ca unha ruta.
É unha experiencia que combina natureza, espiritualidade e cultura viva
Un camiño para descubrir, sentir e lembrar

Desfruta dunha vía única e déixate levar

Os Santuarios

Ao longo deste itinerario de fe e natureza, a Vía Mariana conecta emblemáticos santuarios marianos que gardan séculos de devoción, historia e patrimonio cultural a cada paso.

O patrimonio que ofrece a Vía Mariana é a memoria do territorio que mantén viva unha tradición ancestral única. Os santuarios son moito máis que os puntos que marcan van marcando a ruta, son lugares destacados onde dar sentido á viaxe interior que supón esta experiencia.