A Vía Mariana Luso Galaica é un itinerario de perergrinación que conecta natureza, patrimonio e espiritualidade nun percorrido único entre Galicia e Portugal. Trátase dunha experiencia transformadora, íntima e alternativa aos camiños masificados. 

Entre Braga e Muxía, a Vía Mariana Luso Galaica percorre a antiga Gallaecia por camiños históricos que atravesan montañas, vales, ríos e aldeas onde a tradición segue viva. A ruta ábrese paso entre a auga e a terra a través de pontes, cruceiros e petos de ánimas. 

A Vía é tamén un camiño cara ao interior. Sen présa e sen masificacións, en silencio e en contacto coa natureza, cada persoa peregrina vive o seu propio proceso. Porque non se trata de chegar a ningún sitio, senón de atoparse a un mesmo.